Cristoforo Landino Xandra 2, 17

Testo base di riferimento: A. Perosa, 1939

Cura dell'edizione digitale: S. Di Brazzano


17. ad Franciam

Iunior ut cupido quam sis videaris amanti,

      Non nisi cum vetulis, Francia, carpis iter.

Procerasque fugis, cum sit breve corpus, amicas;

      Et nisi parva, tibi femina nulla comes.

5

Sic senior teneram mentiris saepe puellam,

      Mentiris grandem, pumilione minor.

Nunc rogo, qua possis luteum occultare colorem,

      Ora tibi cum sint pallidiora croco:

Haec via sola patet, si vis formosa videri,

10

      Vt sedeas nigris mixta cadaveribus.