Divo Ioanni Inderbacchio antistiti Tridentino
Carmine perpetuum Moecenas nomen adeptus,
Virgilii numeris Pollio semper erit,
Aeternumque tibi decus, Inderbacche, dicavit
Carmine, qui titulos sculpsit in aere tuos.
5
Hoc qui amagnanimi generosum pectus et ingens
Cor Moecenatis, splendide, solus habes,
Principe nil potuit tribui tibi dignius alto,
Cum sint aethereae carmina mentis opus.
Convenit ergo sacro divini Musa poetae
10
Haec tibi: tu doctus, gloria et orbis honos,
Imperiumque tibi speramus maius habendum,
Si iusta superi pondera lance premunt.