10. ad Carolum Brixiensem

Norica gens hebeti splendorem praebuit ensi,

      Hinc nomen. Primo Raetica dicta fuit

Corporis ex habitu. Nam toris atque lacertis

      Dura satis saevo Marte iubente fuit.

5

Norica quae quondam, mox instaurata per aevum

      Brixia Vandalici nomine dicta ducis

Crevit in immensum veteremque exuta senectam

      Orobiis praestat prorsus et Euganiis.

Hospes nutricis Phrygii ducis, accipe quae sit,

10

      Carole, praeclarae gentis origo tuae.