4. IN FEBREM

Languida febris, abi! Precibus si tangeris ullis,

      Mille fero ecce preces: languida febris, abi!

Languida febris abi! Precibus sin obstruis aurem,

      Bella paranda mihi: languida febris, abi!

5

Languida febris abi! Non sunt mihi tela nec enses:

      Cedo haec militibus: languida febris, abi!

Languida febris abi! Sacro tibi triste duellum

      Instituam versu: languida febris, abi!