96. IN GALATEAM
Si faber atque senex tuus est, Galatea, maritus,
Non est quo formae damna querare tuae.
Et faber atque senex coniunx Cythereius et, quod
Mirer, sub divo corpore claudus erat.
5
Quicquid erat, tamen aequo animo Cytherea ferebat,
Nec sua forma minor, nec sua causa minor.
Quare, age, iam facilem, placidam iam concipe mentem:
Mavortemque tibi delige, ut illa sibi.
Sed tua ne prodat Sol qui sua furta caveto:
10
Disce sub exemplo cautior esse suo.