50. ad Procopium de Rabsteyn

Tu quoque, Procopi, bonitas quem mira uenustat,

      In numeris posthac sepe legere meis.

Et cur non merito, cum nobilitatis origo

      Te leuet et longe gloria militie?

5

Adde - quod est monstri, bona postquam deperit etas -:

      Nox tibi dat musas, reddit et arma dies.

Fecit idem Cesar, dum gallica castra tenebat:

      Magna tua est uirtus Cesaris acta sequi.

Hec tibi preterita dictaui carmina nocte;

10

      Namque aberat somnus atque lucerna mihi.