17. in Mentinum
Cur iterum atque uacuo, Mentine, cerebro
Ambitur passu Laurea diua tuo?
Quid tibi uis hominum? Quid habes quod diligat in te
Laurea? Qua forma es? qua probitate uales?
5
Nigrior es coruo, stigia pallentior umbra.
Quale tibi ingenium, quale tibi eloquium est?
Tu sibi te Paridem placidum ue putas Ganimedem
Et uersas totum pectore Aristotelem.
Falleris. Ipsa tuo non stat sapientia sensu,
10
Non est iudicio pulchra Diana suo.
Quin tu aliquid peragis, quod te, dum creuerit etas,
Nutriat et senium claudat honore tuum?
Desine fallaces temptare Cupidinis artes:
Laurea celestis digna furore proci est.