9. in Calvinum

Sic tibi formose placeant, Caluine, puelle,

      Vt mihi presenti gratia Papia die est.

Sic Caciena suis miserum te oblectet ocellis,

      Vt modo me aspectu sola Papia suo.

5

Sic tibi displiceat ciliorum frictus, ut ipsa

      Nunc uisa est oculis pulchra Papia meis.

Sic tibi flaua Ceres et Bacchi munera prosint,

      Vt me nunc hilarem docta Papia tenet.

Sic letus uenias ad perte gaudia noctis,

10

      Vt mihi dulce fuit nunc papiense solum.

Ecce, Papia, malo compulsus ab omine ueni,

      Quin misero lucem, dira Papia, rapis?