Giovanni Marrasio carmina varia, 40

Testo base di riferimento: G. Resta, 1976

Cura dell'edizione digitale: F. Boschetti


40. epitaphium eiusdem

Grassiam Hispanum mors accelerata vocavit:

      Praesulis Alfonsi frater amatus erat.

Romae habita venia, Siculis allabitur oris;

      Germanum et sedem fata videre sinunt.

5

Intrepidus stimulavit equum, quo more solebat

      Per medias acies ferro aperire vias.

Fortis eques sonipesque primus cecidere ruentes;

      Coelum animam, corpus regia busta tenent.