35. ad Alfonsum regem magnum

Regibus Odrysii munuscula ferre solebant;

      Odrysiis reges munera magna dabant.

Vnusquisque suas partes habuere decentes:

      Magna decent parvos, parvula dona deos.

5

Alanum donare canem qui vult, dare mavult

      Non obscuri animi signa decora sui.

Alanum si dono canem tibi, tradere malo

      Ipse animi ingenui pignora tuta mei.

Saetigeros siquando sues hic dentibus ardens

10

      Traxerit, esto memor pignoris ipse mei.