12. ad Aeneam Silvium responsio
Non hilarem accipiat meme Trinacria tellus,
Ni dedero Aeneae carmina mille prius.
Verbula quae niveo tu vis mea marmore pingi
Sunt tectura piper, cinnama, thura, crocum.
5
Versibus ornasti tantis Marrasia Tempe,
Vt me immortalem longa papyrus agat.
Nugas non agito, nisi sint mea plena furore
Pectora: tunc scribo quom venit ille furor.
Silvius Aeneas cantabitur atque decora
10
Picula et alteruter carmina nostra leget.
Ipse vale et laudes si mille optaveris, ora
Vt cito diripiat pectora nostra furor.