Enea Silvio Piccolomini epigrammata, 57

Reference basis text: A. Van Heck, 1994

Editing of the digital edition: Federica Giacomin


57. in Annam

Lumina semper cur tua plorant,

Anna? Nouem ter non trahis annos,

Dormis et altas improba noctes;

Allia uitas nec faba ledit

5

Nullaque peior res tua facta est.

Flere quid est quod te facit, Anna?

Pocula siccas plena colino

Aut nimium te subdis amico.

Vera ne dicam? (dicere fas est):

10

Et bene potas et male dormis.