30. ad Hieronymum Contarenum

O decus, o fama Venetis, Hieronyme, terris,

      Praetor, Castalii gloria magna chori,

Candida quem Daphne, quem dilexere poetae,

      Pierides studii turba decora mei.

5

Hic alter Marius, nunc et Pompeius honore,

      Mercurius lingua, belliger Hector equo,

Qui solus Lapitas, Indos vicisses et Afros

      Et pariter celerem, Graecia tota, suem,

Aeripedes tauros et noxia monstra Chimerae,

10

      Gorgoneos angues Tartareumque canem.