17. ad Ioannem Petrum

O lepor et gravitas, Venetorum gloria verax,

      Qui in terris unum, dixero, numen ades,

Non possem meritis dignas persolvere grates,

      Nec fragilis calamus pondera tanta feret.

5

Te duce quassatam subduximus aequore classem,

      Te duce nunc placido perfruimurque sino,

Te duce Stymphalidas inmania monstra, subegi

      Atque vel Harpias Lotophagosque truces,

Te duce, laudari contingit voce diserta

10

      Vates cui nomen mitis oliva dedit.