2. carmen in laudem senatus Venetiarum
O Deus omnipotens, o mundi rector et alti,
Qui genus humanum sub ditione foves:
Nulla magistratus calamo facunda latino
Vox posset celebres connumerare suos,
5
Curia quos Venetum praebet, veneranda potestas,
Neptuni et terrae regna superba tenens.
Cuncta sub imperio patrum, felicia praestant
Oppida et in somnis absque pavore manent:
Ille etenim magnus celsi dominator Olympi,
10
O Veneti patres, praestet honoris opus.