[Ludovicus Carrus ad divam Cassandram Fidelem Venetam]
Pancharis aetruscae celeberrima gloria linguae
Pierisque chori non mediocre decus
Extulit eximiis tua <...> laudibus, et te
5
Absentem miro iunxit amore mihi.
Diceris egregia specie superare Dianam
Atque pudicitia vincere Penelopem,
Dexteritate manus doctae tibi cedit Arachne;
Cedit et ingenio diva Minerva tuo,
10
Sed magis admiror quod pleno discutis ore
Quae Plato, quae magnus tradidit Aristoteles.