Hic situs Estensis summae pietatis alumnus

      Astreae cultor pacis amator inest.

Marchio sic felix facili dicione regebat,

      Marchio munificus hic Nicolaus erat.

5

Est hic illustris, sapiens, clarissimus heros

      Ingeniive decus. Oppida cuncta gemunt.

Vna salus regni patrii cum fratribus ipsis

      Magnanimis princeps tu, Leonelle, gemis.

Corpus quod robur quondam tollebat in astra

10

      Hic iacet, ast animam sidera celsa tenent.

Mille quadringentis domini quater octo sub annis

      Atque novem estense sidus in arce nitet.