Enea Silvio Piccolomini epigrammata, 4

4. epytaphium Emanuelis Chrisolore Greci

Ille ego qui Latium priscas imitarier artes

Explosis docui sermonum ambagibus et qui

Eloquium magni Demosthenis et Ciceronis

In lucem retuli Chrisoloras nomine notus:

5

Hic sum post uitam et peregrina in sede quiesco.

Huc me concilii deduxit cura, trium dum

Pontificum ecclesiam uexaret seua tyrannis.

Roma meos genuit maiores; me bona tellus

Bizantina tulit, cinerem Constantia seruat.

10

Quo moriare loco nil refert: undique celum

Penarumque locus mensura distat eadem.