1. Lucie consolatio
Nate patris condam Lux unica Gloria matris
Te, precor, a lacrimis abstine, nate, piis:
Non me prereptam fatali sorte dolores
Excipiunt: namque pena luenda michi
5
Sed deus exemptam fragili de corpore celo
Intulit. hic requies nostra peremnis erit:
Grata tamen pietas: cum tristi funere mestus
Fleuisti matrem non superesse tuam.
Ast ego Sfortiadum cernens reuiuiscere nomen
10
Felicemque aulam te duce prole nuru
Glorior: et sacris superum permixta correis
Nunc mihi perpetuos letor adesse dies.
Tu Franciscus eris Ligurum dux Sfortia Victor
Semper: et hinc titulis Lutia clara tuis.