65. ad Phrygem

Mos mihi di facerent teneris, Phryx, esset ab annis

      Velatum nullo tegmine habere caput.

Non haec Augusti possent edicta nocere

      Et vox in cunctis ter repetita foris,

5

Purpureo ne quis praecingat tempora amictu

      Neve caput cuiquam coccina lana tegat.

Quid faciam? Est aliud capiti mihi tegmen emendum

      In me si nolim tela venire Iovis.

Sed mea non auro, non est gravis aere crumena,

10

      Cogor et edictum nolle timere dei.

Da mihi quo possim permissos sumere cultus:

      Concessum a magno Caesare vellus emam.