56. de corona Nestoris

O utinam aeternum viridi stet fronde corona

      Ramus et hic nunquam languidus esse queat,

Sertaque florescant nullis violanda pruinis,

      Quae modo Nestorea texta fuere manu;

5

Temporibusque meis decus immortale corona

      Ingenium vatis testificata ferat,

Quae, licet ex hedera non sit, nec ab arbore Phoebi

      Lecta, nec aut gemmis aut adamante gravis,

Auctoris pretio placet: haec lauroque hederaque

10

      Argento et gemmis est pretiosa magis.