7. Pio II pont. max.

Caesaris Augustus superis sacravit honores,

      Postquam victrices conticuere tubae,

Et cecinit dignas divino carmine laudes.

      Inter tot curas tu Pie carmen habes,

5

Quale nec Augustus nec qui te Auguste canendo

      Reddidit aeternum Peleos aut genitum.

Non labor aut sumptus, dolor acer honorque recessus

      Et rabies caeli continuere tuos.

Imperii sunt haec quae primum elementa parasti,

10

      Vt cadat hostilis nostra sub arma furor.

Par operi tanto est animus, si viribus esses,

      Spem fovet, ut vincas, relligionis amor.