Guarino Veronese carmina, 37

Reference basis text: I. Thomson, 1969; A. Manetti, 1985; Donatella Manzoli, 2000; R. Sabbadini, 1915-16-19-95; H. W. Wittschier, 1968; E. Peverada, 1982; F. Borsetti, 1735; C. Pascal, 1910; D. Marsh, 1998

Editing of the digital edition: Tiziana Brolli


37.

Orphea quid mirum volucres et saxa ferasque

Humanumque genus cithara traxisse canora,

Cum tua mellifluos modulans manus utraque cantus

Alliciat surdos defunctaque corpora vita?

5

Praeterea casti mores gravitasque senilis

Vrbanique sales tibi, condimenta severi

Pectoris accedunt; te religiosa decorat

Vita sacerdotis; quo quid praeclarius extat?

Gaude igitur Ioachine bonis, dulcissime, tantis,

10

Qui Musis luces, quo Musae auctore relucent,

Pro quibus accedunt tibi grandes undique testes.