Guarino Veronese carmina, 34

Reference basis text: I. Thomson, 1969; A. Manetti, 1985; Donatella Manzoli, 2000; R. Sabbadini, 1915-16-19-95; H. W. Wittschier, 1968; E. Peverada, 1982; F. Borsetti, 1735; C. Pascal, 1910; D. Marsh, 1998

Editing of the digital edition: Tiziana Brolli


34.

Nomina septenum sapientum Graecia cantat,

Partibus et natos diversis orbis honorat.

Inclita nam genuit celebrem Bianta Prienne;

Inde Solone suo clarae laetantur Athenae;

5

Miletus generat perdoctum antiqua Thaletem;

Atque Mitylena praeclarum Pittacum edit.

Se genitum rigida gaudet Lacedaemone Chilon.

Te, Periandre, creat laudibus aere Corinthus,

Lindon at in caelum cum laude, Cleobule, tollis.