Guarino Veronese carmina, 28

Testo base di riferimento: I. Thomson, 1969; A. Manetti, 1985; Donatella Manzoli, 2000; R. Sabbadini, 1915-16-19-95; H. W. Wittschier, 1968; E. Peverada, 1982; F. Borsetti, 1735; C. Pascal, 1910; D. Marsh, 1998

Cura dell'edizione digitale: Tiziana Brolli

Permalink: https://www.poetiditalia.it/texts/GUARINO|carm|001

28.

Italiae reges, populi, gens omnis et aetas

Extinctum lugete ducem vestrumque nitorem,

Quem secum asportat Nicolaus marchio, sicut

Amisso tenebras expectant sidera sole.

Hunc terris hominem mortalia membra notabant,

Testantur sed gesta Deum caelestia; terras

Gloria, corpus humum, superas mens incolit arces.

Hoc exemplar habe populis qui sceptra gubernas.