1. epigramma Victorini Feltrensis

Qui fueram graecae et romanae gloria linguae

      Hic iaceo et cineres haec habet urna meos.

Pierides flevere deae, mea funera flerunt

      Naiades et maesta flevit Apollo lyra.

5

Palladis et flerunt septem pia turba sorores,

      Quae reddunt similes nosque pares superis.

Vt sua Maeonium deflevit Graecia vatem,

      Sic Victorinum Feltria terra gemit.