20. epithaphium inscribendum sepulcro
domine Regine de la Scala

Italie splendor, Ligurum Regina Beatrix

      Hic animam Christo, reddidit ossa solo,

Que fuit in toto rerum pulcerrima mundo

      Et decor et sancte forma pudicitie,

5

Laurea virtutum, flos morum, pacis origo,

      Nobilibus requies, civibus alma quies,

Quam patris extollunt Mastini gesta potentis,

      Verone imperium, magnificique Canes.

Bernabos armipotens Vicecomes, gloria regum,

10

      Nature precium conspicuumque decus,

Qui Mediolani frenos et lora superbi

      Temperat, Ausonie quem timet omne latus,

Hac consorte thori felix, consorte laborum

      Exegit longa prosperitate dies.

15

Hanc Deus elegit secum partirier; inde

      Spiritus etherei regnat in arce poli.