16. epitaphium domini Azonis de Corigio

Clauditur hic evi solers prudentia nostri

      Et decus et virtus aurea Corigie,

Aczo iubar patrie, patrie spes optima quondam,

      Cuius in amplexu leta quievit amans.

5

Magnus Apostolico, magno cum Cesare magnus;

      Magni quem reges, quem coluere duces;

Cuius in Ausonio surgunt ad sidera mundo

      Splendida militie splendida facta domi.

Orbe pererrato, tandem predulcis asili

10

      Iam Vice se Comitum reddiderat gremio.

Et maris et terre totiens, heu! iurgia fati

      Vicerat hic, sola morte feritur humi.