Domenico Silvestri epigrammata, 1

1. pro domino Francisco Petrarca,
Iohanne Boccaccio, Zanobio de Strata,
et Dante Alligerii

Hos vates summosque viros quibus ardua nosse

Pyeridum natura dedit, quibus ipsa poesis

Claruit, yllustris genuit Florentia mundo.

Hec igitur veneranda domus que premia semper

5

Digna refert gestis licet ipsos digna per orbem

Fama ferat. hac laude diu per secula dignos

Censuit et clarum semper splendescere nomen,

Corpus et effigiem signans ut vita manebat.