Francesco Petrarca carmina, 11

Testo base di riferimento: A. Hortis, 1874; K. Burdach, 1929; E. Pellegrin, 1955; G. Valentinelli, 1874; F. Novati, 1889; E. Bianchi, 1951; P. de Nolhac, 1907; G. Pizzamiglio, 1976; F. Pellegrini, 1895; G. Billanovich, 1988

Cura dell'edizione digitale: Cristina Zanatta

Permalink: https://www.poetiditalia.it/texts/PETRARCA|carm|001

11.

Iam glaciale solum conuexaque summa gehenne

Transgredimur, iam nos concomitantur aque.

Saxosus gelidusque viam Durencia monstrat

Et Rodani ripas aruaque nota petens.

Ventus ab aduerso violento murmure perflat

Precipitansque niuem turbidus ora ferit.

Ytalie post terga manet pulcherrima tellus,

Quam uetat etherei cernere montis apex.

Ante procul colles et Gallica rura patescunt.

Gentibus hic fuerat terminus, est et erit.