Pompilius Alcialius Placentinus ad lectorem

Qui cupit astrigeros gradibus conscendere colles,

      Ad tua se Michael dogmata Scote ferat

Tu solus Vraniae roras in flumine labra,

      Pandis et aethereas tu solus arte domos.

5

Zodiaci numerare locos septemque Triones

      Sydereique doces climata cuncta poli

Nunc ergo iuvenes rutilantem carpite librum

      Nam modicum tanto munere charta petit.