Epigramma Iacobi Locher philomusi ad lectores
Quisquis ad exiguos nostri dictaminis orsus
Divertis, rigidum tolle supercilium:
Non mea grandiloquo sunt carmina facta cothurno,
Sed resonant tenui consociata pede.
5
Hinc procul aufugiat qui Rhinocerontis adunca
Nare: meos censet dilaceratque iocos.
Scribimus ingenuis quos pagina nostra iuvabit
In me nil iuris lividus osor habet.