Epigramma Bartholomaei Coloniensis: pera Diogenica loquitur

O Cynice ex gremio tibi holuscula laeta capaci

      Promo; quom Phryxi vellera sole tepent.

Et cum precocibus malis liventia pruna

      Do, quo sol cancrum percoquit igne gravi.

5

Hinc tibi do patulis deceptas vitibus uvas.

      Quom Titan vehitur lancibus in trutinae.

Sed cum pane fabas lentem raptum tibi dono

      Evomuit hybernas cum Capricornus aquas.

Tu vero ingratus, quo non ingratior alter

10

      Cum mala pro meritis reddis acerba meis.

Nam graveolenti anima qua podex spirat et alvus

      Me miseram excrucias nocte diesque simul.