Naldi Naldii Florentini carmen in Andream Barbatium Iuris consultum nobilissimum
Andreas quod iuris erat Barbatius auctor
Summus et interpres primus habendus erat.
Hinc pia posteritas hinc docta Bononia certe
Pluribus impressit quae dedit ille notis,
5
Vt possint eadem quae scripserat ipse vel omnes
Sumere et in formas inde referre novas.
Talibus ut docti scriptis bene iura tueri
Et patriae valeant consuluisse suae