Epigramma in laudem Andreae Barbatiae aequi et iuri consulti excelletissimi sumptum ex libris Antonii Vrcei Codri
Tanta in te fuerat Barbatia iuris et aequi
Notitia et mentis copia tanta bonae
Vt posses solus meliores ponere leges
Iusque novum populis et breviore via.
5
Noluit hoc prudens hominum sator atque deorum
Gratificans templis Caesaribusque suis.
Felix qui potuit leges te audire docentem
Atque e divino discere iura sono.
Ille etiam felix cui nunc tua scripta tuosque
10
Admonitus memori mente notare licet.
Nam quamvis frendant aliqui, Barbatia quidquid
Scripsit in ambiguis se Colophona facit.