Gian Domenico Cancianini epigrammata 3, 91

Reference basis text: Graziella Marino, tesi di laurea Università degli studi di Trieste, 1970-1971

Editing of the digital edition: Barbara Zlobec


91. aliud

Optima aqua: ut cecinit divino Pindarus ore.

      At Contarenus, qui dedit optimam aquam?

Hunc efferre satis (nam longe est optimus) ipse

      Vix posset vates laudibus atque lyra.

5

Vnum ictu Moyses fontem perrupit aquarum.

      Plures dicto uno Nicolei, ecce, scatent.

Hoc opus, hoc fieri post coetera facta decebat

      Optima, queis numero cedat arena maris.