Gian Domenico Cancianini epigrammata 3, 66

Reference basis text: Graziella Marino, tesi di laurea Università degli studi di Trieste, 1970-1971

Editing of the digital edition: Barbara Zlobec


66. de Io. Antonio Boralio med. et phil. compatre

Ereptum Stygiis, superas me vexit ad oras,

      Et vitam dedit, Antonius, ecce meus.

Vidi umbras, quin Persephonem, Plutonaque et atras

      Illius sedes, contremusque videns.

5

Illic nil laeti, nil vivi: pallor ubique,

      Et pavor. O nostrae lux adamanda plagae:

Dicimus hic choreas, terram pulsamus et acres

      Alternis pedibus: pocula non hilarant.

Ergo certatim Cyathos sumamus amici,

10

      Cantemusque novum Phoebigenam hunc iuvenem.