Gian Domenico Cancianini epigrammata 1, 37

Reference basis text: Graziella Marino, tesi di laurea Università degli studi di Trieste, 1970-1971

Editing of the digital edition: Barbara Zlobec


37. epitaphium Blussi latronis

Affixa huic furcae sunt Blussi membra latronis.

      Non, si mille, satis, tot dedit ille neci.

Cum tegat is furcam, a furca non ipse tegatur,

      Pro tumulo furcae immania membra puta.

5

Nos autem membris quod verba infixa legamur,

      Haud carpas; etenim sic legitur tumulo.

Perge iter inceptum laetus tutusque viator.

      In septem partes Blussus obesse nequit.

Nullos nunc metuas, cum Blusso hic nempe latrones

10

      Sunt omnes, omnium pes fuit, arma, manus.