238. de fonte reperta ... et de Baccho furenti ...

Fama refert Valerum praetorem vertice collis

      Vtinei facilem fonti aperire viam,

"Ergo ruent mea regna", furens inclamat Iacchus,

      Cui pater Aonidum talia dicta dedit:

5

"Pierides hoc fonte sitim vatesque levabunt.

      Hos praetor latices, curia et aequa bibet.

Mellibus Hyblaeis fons dulcior atque Falernis,

      Dulcior est ipso nectar et ambrosia.

Laetantes alii tua castra ac dona sequantur,

10

      Praecipitem sistas iam furibunde gradum."