213.

Hoc opus est mirum, vatum quo lingua priorum

      Panditur, hoc celebris condidit auctor opus,

Nempe opus eximia Fiducius edidit arte,

      Illustris Patriae luxque decusque suae.

5

Non tot habet magnum fulgentia sidera caelum,

      Dicendi insignes quot liber iste modos.

Hoc opere inspecto facient nova carmina vates,

      Queis cedent veterum scripta diserta virum,

Gaudeat hinc Vtinum, laetetur Iulia tellus,

10

      Ausonia exultet, denique et orbis ovet.