172. ad illustrissimum Michaelem Fuscarenum
Vtini et patriae f. I. praesidem integerrimum

Fuscarene, mihi misisti mollia vina,

      Cui cedunt, quae fert vina Falernus ager:

Innumeras dico tibi, praeses splendide, grates.

      Pulchra etiam propter pocula missa simul,

5

Ast haurire videns me dulcia vina Camena,

      Imperat, ut redeam Pierias ad aquas.

Protinus huic refero, non sunt haec vina, Deorum

      Munera sunt, en sunt nectar et ambrosia.

Queis cito libatis donis, mihi dixit alumno

10

      Perge haurire, omni sunt potiora mero.