124. Ricardo Luisino iurisconsulti ac poetae
excellentissimo Fiducius Cancellarius
Quae grandi ore tonas, Memi, praeconia laudis,
Dum capit ingenti Marcia sceptra manu,
Gaudia quoque Vrbis longe testantia, cantu
Heroo triplici concinis acta die,
5
Quod Fuscareno et patribus sacraveris, omnes
Fecisse argute Te, Luisine, putant.
Quippe inserta Vrbis vivent annalibus, uno
Omnia dum succussu auferat una dies.
Ergo tibi ex animo grator, dentque ipsa canendi
10
Materiam usque novam, numina sancta precor.