98. in eundem
Ossa iacent medici Locatelli hoc marmore, ademptum
Quem modo conqueritur Iulia terra sibi.
Plorat Vtina magis, quartanae et devovet ignes,
Ausa quod est medicum sternere dira senem.
5
Desine tot lacrimas sed fundere, totque querelas,
O Patria, exultat quem periisse putas.
Fama volat celebris facunda per ora virorum,
Spiritus aetherios pervolat usque choros.