92. in obitum Ioannis Emiliani canonici Vtinensis
Aurea cum felix properaret ad astra Ioannes,
Cynthius occurrit Pieridumque chorus,
Surgit et astrigeri summus moderator Olympi
Atque omnes superi, tum Pater ista refert.
5
"Macte novo ingenio iuvenis, sic itur ad astra,
Sternitur et mors sic invida, saeva, ferox.
Nobiscum iam, nate, mane, fructusque laborum
Percipe et haec tutus regna beata cole."