91. in obitum Ioannis Mariae Platei Prioris
notariorum collegiatorum ac viri optimi
Vt, Platee, tibi placuit describere multum
Ac struere, argento quaerere et arva novo,
Sic quoque sarcophago placuit tua condere membra,
Parere aeterno caelicolumque Patri.
5
Hinc modo dicendum, dare quod, Platee, placebit
Regi summo animae regna beata tuae,
Nam iustis quae non tribuit bona Iuppiter? Hinc te
Non ploro, nam flens invidus ipse forem.