80. in fratrem lugentem uxorem defunctam

Si Deus est genitor, coelum qui numine complet,

      Hic tibi nempe magis frater amandus erat.

Tu tamen uxorem ploras noctesque diesque,

      Assuetus sociam semper amare magis.

5

Errasti, frater, nam sit licet uxor amanda,

      Hic mage amandus erat optimus usque Pater.

Hunc igitur magnum tu errorem corrige amore

      Divino et plenus erige ad astra animum,

Parcius et plores sociam, quam semper amasti,

10

      Haec nam grata Deo sidera celsa tenet.