74. in obitum perillustris et excelentissimi medici Budii

Nocturna versare manu, versare diurna

      Coi et Stagirae scripta diserta senum.

Hunc medicum, patriae lucem et decus omne iuvabat,

      Hinc cito sanabat languida membra virum.

5

Vrbs Patavi hunc plorat medicum celebremque magistrum,

      Hinc etiam urbs Venetum flet, decus Hesperiae,

Iulia et ora simul lacrimas effundit et omnis,

      Qui non flet, ferro est durior et chalybe.