51. in obitum Caroli Crassi medici doctissimi

Dum furit atque homines sternit mors invida, tellus

      Iulia quos peperit, saevit et in miseros,

Obvius indignans Crassus fit Carolus illi,

      Maxima lux Medicam Carolus atque decus,

5

Aulentem quem Mors obtruncat saevior, at dum

      Membra iacent, agilis spiritus astra petit.

Quin quoque fama volat factis extensa per orbem,

      Tunc mors exclamans, hei mihi, vincor, ait.