50. in obitum ex. Ioannis Comini
Nos miseri sumus, at felix tu docte Ioannes,
Nam terram nos, tu regna superna colis.
Hic tenebrae, labor atque dolor, sed gaudia Olympo,
Summa quies, necnon lumina mira Dei.
5
Quare igitur cives tua stamina rupta queruntur?
Invidia heu cives num premit Vtineos?
Lumine num mentis sine sunt? Quae causa doloris?
Cum finem dederit Iuppiter ipse malis?
Vtinei cives (nisi fallor) iureperito
10
Eximio et iusto cive carere dolent.