10. de clarissimo iureconsulto d. Flaminio de Rubeis Vtinensi
Legibus ille Solon sapiens ornavit Athenas,
Licurgus Spartam, Romulidasque Numa,
Cretenses Minos, Haebreos sanctus et ille
Qui vidit laetis numina luminibus.
5
At modo responsis firmatis legibus urbem
Vtineam Rubeum condecorare iuvat,
Quae quoque terrarum poterunt vulgata per orbem
Prodesse et rectos reddere ubique viros.